Rydyn ni i gyd yn gadael mins peis i Siôn Corn ar Noswyl y Nadolig.
Gydag yn agos i 400 miliwn o blant i ymweld â nhw, mae hynny'n nifer fawr o ddanteithion!
Dyw hyd yn oed Siôn Corn ddim yn gallu bwyta cymaint â hynny.
Felly beth sy'n digwydd i'r rhai sydd dros ben?
Efallai nad ydych chi'n gwybod bod car llusg Siôn Corn yn defnyddio mins peis fel tanwydd, fel mae car yn defnyddio petrol, disel neu drydan.
Fel gydag unrhyw broblem yn y byd real, yn gyntaf mae angen i ni ei symleiddio'n dybiaethau sylfaenol.
Yn gyntaf, mae angen gwybod faint o ynni sydd mewn mins pei. Bydd hyn yn amrywio rhwng gwahanol fathau. Felly rydyn ni'n dewis ffigur, yn yr achos hwn 226 kCal, sef yr ynni mewn un math o fins pei.
Cam Un: Sawl joule (1 kCal = 4.184 kJ) sydd yn un o'r mins peis hyn?
I gymharu: mae'r ynni mewn tanwydd jet yn cyfateb i 44.65 MJ y kg.
Gadewch i ni felly dybio bod Car Llusg Siôn Corn yn cymharu ag awyren uwchsonig.
Spaceaero2, CC BY-SA 3.0, drwy Wikimedia Commons
Mae'r rhain yn defnyddio tanwydd ar gyfradd o 25,699 kg yr awr, sy'n gadael i'r awyren hedfan ar 2179 cilometr yr awr.
Cam Dau: Faint o ynni mae'r awyren uchod yn ei ddefnyddio yn ystod un awr o hedfan?
Y dybiaeth nesaf yw y byddai Siôn Corn yn teithio'r un llwybr â'r Orsaf Ofod Ryngwladol (ISS). Byddai hyn yn golygu pellter o 43,000 km.
Traciwr ISS ar gael o'r Ganolfan Gofod a Thechnoleg Annibynnol
Cam Tri: Pa mor hir fyddai'n ei gymryd i'r awyren uchod (ac felly gar llusg Siôn Corn) deithio'r pellter hwn?
Amser = Pellter ÷ Cyflymder
Cam Pedwar: Faint o danwydd Jet fyddai ei angen ar gyfer yr ehediad?
Màs = Defnydd o Danwydd × Amser
Cam Pump: Faint o ynni sydd yn y cyfanswm hwn o danwydd?
Ynni sydd ei angen = Ynni fesul kg × Màs
Cam Chwech: Felly sawl mins pei fyddai ei angen i ddarparu'r un faint o ynni?
Nifer o Fins Peis = Ynni sydd ei angen ÷ Ynni mewn Mins Pei
.jpg){kind=link}