Cystadleuaeth Animeiddio: Straeon am Aberystwyth

Calendr Gweithdai

Byddwn yn cynnal cyfres o weithdai cyhoeddus ar gyfer pob oed ar sut i greu animeiddiadau Scratch, gweler isod am wybodaeth.

Manylion y Gystadleuaeth

Rydym yn eich gwahodd i gyflwyno ceisiadau i Gystadleuaeth Animeiddio Pen-blwydd Prifysgol Aberystwyth yn 150 oed.

Caiff yr animeiddiadau gorau eu dangos ar y sgrin fawr yn Sinema Canolfan y Celfyddydau ar 29 Ebrill 2023.

Mae 4 categori ar gyfer y gystadleuaeth hon:

1. Animeiddio â Scratch: Grŵp oedran Ysgolion Cynradd
2. Animeiddio â Scratch: Grŵp oedran Ysgolion Uwchradd
3. Animeiddio â Scratch: Agored i bob oed
4. Animeiddio Cyffredinol (defnyddio unrhyw feddalwedd/cyfrwng heblaw Scratch): Agored i bob oed

Rheolau

• Rhaid i'ch animeiddiad gynnwys Aberystwyth mewn rhyw ffordd (ond gall fod yn gwbl ffuglennol)
• Rhaid i geisiadau ar gyfer ein categorïau Animeiddio â Scratch gael eu gwneud yn defnyddio Scratch
• Ni ddylai eich animeiddiad bara mwy na 2 funud
• Cofiwch ddefnyddio seiniau a lluniau y mae gennych ganiatâd i'w defnyddio. Mae hyn yn golygu y gallwch ddefnyddio unrhyw beth yn Scratch, y delweddau a ddarparwn yn ystod y gweithdai cyhoeddus, ac/neu eich creadigaethau eich hun.
• Dylech osgoi themâu a chynnwys sy'n addas i oedolion yn unig - bydd y digwyddiad cyhoeddus yn dangos animeiddiadau ar y rhestr fer i gynulleidfa o bob oed.
• Peidiwch â chynnwys unrhyw ddeunydd allai sarhau neu bechu pobl eraill.
• Os tybir bod unrhyw animeiddiad yn torri'r rheolau hyn, yna ni chaiff ei dderbyn i'r gystadleuaeth.

Sut i Gystadlu

Y dyddiad olaf i gyflwyno yw dydd Sul 9 Ebrill 2023

O ran animeiddiadau Scratch, gofynnwn i chi:

• Wneud eich animeiddiad yn gyhoeddus ar wefan Scratch.
• Anfon y ddolen i ni drwy ddefnyddio ffurflen gais y gystadleuaeth.

Ar gyfer animeiddiadau cyffredinol, gofynnwn i chi:

• Lanlwytho eich animeiddiad i wasanaeth rhannu ffeiliau neu rannu fideos (e.e., Dropbox neu YouTube).
• Anfon y ddolen i ni drwy ddefnyddio ffurflen gais y gystadleuaeth.

Ffurflen Gais y Gystadleuaeth

Canllawiau Animeiddio Scratch

Rydym wedi llunio Llawlyfr Straeon Scratch i helpu i arwain dechreuwyr drwy'r broses adrodd straeon o'r bwrdd stori i raglennu Scratch.

Llawlyfr Straeon Scratch (.pdf)

Rhagor o Adnoddau

Rydym yn cynnig nifer o weithdai/sgyrsiau/adnoddau addysgol ar gyfer pob oed. Ewch i'n Hwb Allgymorth i gael rhagor o wybodaeth.

Mae ein hadnoddau ar-lein yn cynnwys gweithgareddau Scratch ychwanegol ar gyfer Gwneud Gêm Ofod a Chreu Gêm Pêl Rodli.