Beth yw 'deallusrwydd'? A yw peiriant yn gallu bod yn 'ddeallus'? Y term yn Saesneg yw Artificial intelligence (AI).
Mae hwn yn ymarfer rhyngweithiol i drin a thrafod a galluogi myfyrwyr i ymchwilio i gymhlethdodau adnabod deallusrwydd.
I drafod neu archebu hwn neu unrhyw un o'n gweithdai eraill, cysylltwch â Tally Roberts.
Rydym yn darparu swyddog cyflwyno, cyflwyniad PowerPoint, a gweithgaredd didoli cardiau.
Sgrin fawr neu daflunydd y gallwn gysylltu ag ef ar gyfer y cyflwyniad PowerPoint.
Os yw'n bosibl, rydym hefyd yn argymell gosod seddi yn hyblyg er mwyn gallu symud y cyfranogwyr a gadael lle mawr gwag ar y llawr ar gyfer y gweithgaredd didoli cardiau.
Mae'r holl fideos wedi'u storio gennym eisoes all-lein ar yriant USB; fodd bynnag, mae angen cysylltiad rhyngrwyd ar gyfer y rhan cwestiynau am ddeallusrwydd artiffisial. Os nad yw hyn yn bosibl, gallwn addasu'r gweithdy i hepgor y gweithgaredd hwn.
Yn ddelfrydol, mae'r gweithdy hwn angen o leiaf 60 munud. Gellir yn rhwydd ei ymestyn i 2 awr er mwyn cynnwys pwyntiau trafod ychwanegol a rhagor o wybodaeth am brawf Turing.
Mae'r gweithdy wedi'i anelu at fyfyrwyr TGAU a Safon Uwch.
Rydym wedi cynnal y gweithdy hwn yn llwyddiannus gyda disgyblion blwyddyn 9 (13-14 oed), ond ni fyddem yn ei gynghori ar gyfer plant iau oherwydd y gofynion meddwl cysyniadol.
Mae hwn yn gweithio'n dda fel gweithdy ar ei ben ei hun ond gellir ei ddefnyddio hefyd fel rhan o gyfres. Er enghraifft, caiff ei ddefnyddio'n aml fel sesiwn ragarweiniol cyn un o'n gweithdai Lego Mindstorms lefel uwch.
Rydym hefyd wedi defnyddio'r gweithgaredd hwn yn gyflwyniad cyn sgwrs gan aelod Grŵp Roboteg Ddeallus am eu prosiectau ymchwil ym Mhrifysgol Aberystwyth.
Oherwydd elfen ryngweithiol y gweithdy hwn, bydd cyflwyno o bell yn cael ei deilwra'n wahanol ac yn gofyn am gefnogaeth staff ar y safle ar gyfer y gweithgareddau/trafodaethau.
Byddai angen i chi ddarparu sgrin fawr/taflunydd sydd â chysylltiad gwe-gamera a meicroffon i Teams.
Byddwn yn anfon copïau o'r cardiau i'w didoli y bydd angen eu hargraffu ymlaen llaw.
Mae yna hefyd fersiwn wedi'i recordio ymlaen llaw o'r sgwrs, ac mae'r gweithgaredd didoli cardiau ar gael ar ein Hwb Allgymorth: A all Cyfrifiadur fod yn Ddeallus? Gellir defnyddio hwn yn hytrach na'r sesiwn rithwir fyw.
Our Computer Science students at @SirJohnDeanes very much enjoyed debating the idea of 'intelligence' this week with Tally from @AberOutreach! Thank you for your time and insight 😁 @AberCompSci
— Adam Jones (@adjon5) January 20, 2022