Cyfres Gweithdai Electroneg Ar-lein Prifysgol Aberystwyth
Rydym wedi addasu'r deunydd a grëwyd ar gyfer ein Clwb Roboteg i unrhyw un allu ei ddefnyddio gartref neu yn yr ysgol.
Mae pob un o'r sesiynau isod yn cynnwys gwers fideo gan un o'n staff a set o ymarferion er mwyn asesu eich dealltwriaeth. Gan fod y dudalen hon ar gyfer dysgwyr annibynnol, mae'r atebion wedi'u cynnwys.
Dewiswch bennawd sesiwn i ddechrau arni.
Gwers Fideo (yn Saesneg):
Defnyddio Tinkercad:
Meddalwedd am ddim y gellir ei ddefnyddio o fewn y porwr yw Tinkercad a gallwn ei ddefnyddio i greu, rhaglennu ac efelychu cylchedau. Mae'n cynnwys opsiynau hefyd i athrawon ei ddefnyddio yn yr ystafell ddosbarth - gweler ein Canllaw Tinkercad i Addysgwyr.
I ddefnyddio'r feddalwedd, bydd angen i chi greu cyfrif neu fewngofnodi drwy'r dulliau eraill a dderbynnir (Google, Microsoft, Apple, neu Facebook).
Ar ôl mewngofnodi, dewiswch ddyluniadau o'r ddewislen ar y chwith. Cliciwch ar 'new' a dewiswch y gylched i greu ffeil newydd. Fel arall, gallwch sgrolio i lawr tudalen eich cynlluniau i ddod o hyd i'r ffeiliau cylched blaenorol rydych chi wedi'u creu. Mae Tinkercad yn cadw eich gwaith yn awtomatig ar ôl pob newid.
Ymarferion:
Rydym wedi creu tair lefel o her (efydd, arian ac aur) i ddysgwyr gael dechrau ymchwilio a chreu cylchedau yn Tinkercad.
Dylai pob dysgwr ddechrau gyda'r lefel efydd a gweithio eu ffordd i fyny cyn belled ag y gallant.
Cliciwch ar bennawd pob her i'w ehangu.
Ail-grewch y gylched hon:
Mae batris AA yn gyflenwadau pŵer 1.5V ac mae'r gylched hon yn gofyn am ddau.
Cofiwch, mae negatif yn cysylltu â phositif.
Cathod yw'r enw ar derfynell bositif LED.
Gellir cysylltu gwrthydd y naill ffordd neu'r llall - nid oes iddo derfynell negatif na phositif.
Os ydych chi'n dal yn sownd, defnyddiwch y botwm ateb isod.
Crëwch ffeil gylched newydd yn Tinkercad (i ddychwelyd i'r dudalen dyluniadau cliciwch ar logo Tinkercad yn y gornel chwith uchaf).
Ail-greu'r gylched hon:
Awgrym: Mae hyn yn cynnwys LDR (Gwrthydd Golau Ddibynnol) a elwir yn 'photoresistor' yn Tinkercad.
Mae'r batri botwm (crwn) yn 3V, neu fe allech chi ddefnyddio 2 fatri AA.
Mae'r LDR yn fath o wrthydd, felly does dim ots pa ffordd y caiff ei wifro.
Os ydych chi'n dal yn sownd, defnyddiwch y botwm ateb isod.
Dechreuwch yr efelychydd a chliciwch ar yr LDR/photoresistor. Bydd hyn yn rhoi graddfa lefel golau i chi y gellir ei haddasu. Beth am weld beth sy'n digwydd i'r LED pan gaiff lefel y golau ei gynyddu a'i ostwng?
Gallwch glicio a llithro lefel y golau. Bydd ei symud i'r dde yn cynyddu lefel y golau.
Crëwch ffeil gylched newydd ar Tinkercad ar gyfer yr ymarfer hwn.
Ail-grewch y gylched hon:
Awgrym: Mae'r bwa lle mae'r gwifrau'n croesi yn dangos eu bod yn pasio dros ei gilydd yn hytrach na chysylltu.
Awgrym: Y pin GND ar y Micro:Bit yw'r derfynell negatif.
Mae'r Micro:Bit yn disodli'r angen am fatri yn y gylched hon. Mae'r pŵer sydd ei angen (3V) yn cael ei ddarparu gan y cebl sydd wedi'i blygio i mewn iddo.
Gallwch ddefnyddio gwifrau o wahanol liw ar gyfer y dolenni ar wahân.
Os ydych chi'n dal yn sownd, defnyddiwch y botwm ateb isod.
Pan fyddwch chi'n cychwyn yr efelychydd, dim ond un LED sy'n goleuo. Mae hyn am fod y pin 3V yn gweithio fel pen positif batri tra bod y pin GND yn gweithio fel y pen negatif. Mae hyn yn golygu y bydd unrhyw beth sy'n gysylltiedig â'r ddau bin yma mewn cylched yn derbyn pŵer. Mae'r LED arall wedi'i gysylltu â phin wedi'i rifo - mae'r rhain yn binnau y gellir eu rhaglennu a heb raglen ni fyddant yn darparu pŵer.
Ysgrifennwch raglen fel bod y ddau olau yn cael eu rhoi i fynd ac yn aros yn olau.
Awgrym: Gallwch agor y panel codio gan ddefnyddio'r botwm cod wrth ymyl y botwm sy'n cychwyn yr efelychydd. Cofiwch stopio'r efelychiad gyntaf - does dim modd i chi olygu'r rhaglen tra ei bod yn rhedeg.
Gallwch ddefnyddio'r bloc 'digital write pin' i osod LED ar ('HIGH') neu i ffwrdd ('LOW').
Yn lle hynny, gallech ddefnyddio bloc 'write analog pin' i osod y disgleirdeb (0 yw diffodd, 255 yw'r disgleirdeb mwyaf).
Os ydych chi'n dal yn sownd, defnyddiwch y botwm ateb isod.
Newidiwch y rhaglen fel bod yr LED sy'n gysylltiedig â phin 0 yn fflachio bob 500ms.
Eiliadau yw mesur diofyn y bloc 'wait'. Gallwch newid hyn i filfedau eiliad y tu mewn i'r bloc neu drosi'r gwerth.
Cofiwch, bydd angen bloc aros arnoch bob tro ar ôl newid gwerth y pin.
Os ydych chi'n dal yn sownd, defnyddiwch y botwm ateb isod.
Crëwch ffeil gylched newydd ar Tinkercad ar gyfer yr ymarfer hwn.
Cydran Newydd: Ar gyfer yr ymarfer hwn byddwch yn defnyddio LED RGB. Mae hwn yn olau LED y gellir ei raglennu i oleuo mewn amrywiaeth o liwiau gwahanol. Mae gan y gydran hon 4 pin cyswllt fel y'u labelir yn y ddelwedd isod.
Crëwch cylched sy'n cynnwys BBC Micro:Bit, gwrthydd (1kΩ) ac LED RGB.
Awgrym: Bydd angen cysylltu pob pin lliw â phin rhaglenadwy gwahanol ar y Micro:Bit.
Y cathod yw'r derfynell bositif ar LED RGB.
Bydd angen i'r gwrthydd fynd i mewn i'r gylched rhwng cathod yr LED RGB a phin GND y Micro:Bit.
Defnyddiwch wifrau lliw gwahanol ar gyfer pob pin i helpu.
Os ydych chi'n dal yn sownd, defnyddiwch y botwm ateb isod.
Rhaglennwch eich cylched fel bod y golau yn newid lliw bob 2 eiliad, gan ailadrodd y dilyniant hwn: coch, gwyrdd, glas.
Ar gyfer hyn, gallwn ddefnyddio'r blociau 'digital write pin'.
Peidiwch ag anghofio diffodd lliw cyn dangos y nesaf.
Os ydych chi'n dal yn sownd, defnyddiwch y botwm ateb isod.
Byddwch yn ymwybodol, gall y pinnau Micro:Bit a ddefnyddir gan bob lliw fod yn wahanol ar gyfer eich cylched chi.
Rhaglennwch eich cylched fel bod y golau yn newid lliw bob 2 eiliad, gan ailadrodd y dilyniant hwn: coch, magenta, glas, gwyrddlas, gwyrdd, melyn, gwyn.
Awgrym: Mae golau magenta, gwyrddlas a melyn yn cael eu gwneud o gymysgu dau liw o goch, glas a gwyrdd. I gael mwy o wybodaeth am gymysgu lliwiau golau, gweler ein gweithgaredd Gwyddoniaeth Lliw.
Beth am weld beth sy'n digwydd os bydd coch a glas wedi'u gosod i 'HIGH' ar yr un pryd? Ailadroddwch gyda glas a gwyrdd, yna gwyrdd a choch.
Mae golau gwyn yn cael ei greu pan fydd yr holl binnau wedi'u gosod i 'HIGH'.
Peidiwch ag anghofio diffodd y lliwiau nad oes eu hangen.
Os ydych chi'n dal yn sownd, defnyddiwch y botwm ateb isod.
Byddwch yn ymwybodol, gall y pinnau Micro:Bit a ddefnyddir gan bob lliw fod yn wahanol ar gyfer eich cylched chi.
Gwers Fideo (yn Saesneg):
Ymarferion:
Mae'r sesiwn hon yn edrych ar greu cylchedau yn Tinkercad i ymchwilio i gerrynt a foltedd.
Dylai pob dysgwr ddechrau gyda'r lefel efydd a gweithio eu ffordd i fyny cyn belled ag y gallant.
Cliciwch ar bennawd pob her i'w ehangu.
Gwybodaeth Newydd:
Gelwir cylched sy'n cynnwys un ddolen o wifrau a chydrannau yn Gylched Gyfres.
Ail-grewch y gylched gyfres hon:
Nid yw Tinkercad yn cynnwys Amedr, yn lle hynny mae ganddo amlfesurydd y gellir ei ddefnyddio i fesur cerrynt yn yr un ffordd.
Os ydych chi'n dal yn sownd, defnyddiwch y botwm ateb isod.
Beth yw'r cerrynt yn y gylched hon?
Os yw'r gwerth yn negyddol, mae gwifrau'r mesurydd wedi eu gosod y ffordd anghywir.
Gwnewch yn siŵr fod yr amlfesurydd wedi'i osod i Amperage.
Dylai'r bylbiau LED i gyd oleuo, os nad ydynt ailedrychwch ar eich gwifrau.
Os ydych chi'n dal yn sownd, defnyddiwch y botwm ateb isod.
Dylai'r gwerth o 5.14mA fod ar y mesurydd. Mae hyn yn golygu bod y cerrynt yn eich cylched yn 5.14 mili-Amp, neu 0.00514 Amp.
Pa foltedd y mae pob LED yn ei ddefnyddio?
Awgrym: Bydd angen i chi ychwanegu dau amlfesurydd arall i'r gylched.
Er mwyn mesur y foltedd ar gyfer pob LED, bydd angen i chi ychwanegu amlfesurydd i bob un.
Dyma'r diagram cylched newydd ar gyfer yr hyn y mae angen i chi ei ychwanegu.
Unwaith eto, os cewch ddarlleniad negyddol mae'n golygu bod gwifrau'r amlfesurydd wedi eu gosod y ffordd anghywir.
Os ydych chi'n dal yn sownd, defnyddiwch y botwm ateb isod.
Gwybodaeth Newydd:
Gellir cael Cylchedau Paralel hefyd. Mae'r rhain yn cynnwys mwy nag un ddolen.
Dyma enghraifft:
Diagram Cylched
Cylched Tinkercad
Cylched
O'r enghraifft hon, gobeithio bod modd i chi weld ein bod yn cysylltu Foltmedrau mewn cylchedau paralel yn barod, tra bod Amedrau mewn cyfres.
Ail-grewch y gylched hon:
Dim ond i derfynellau cydrannau y gellir cysylltu gwifrau, nid i'w gilydd.
Cysylltwch yr ail LED yn yr un ffordd ag y byddech yn cysylltu Foltmedr.
Os ydych chi'n dal yn sownd, defnyddiwch y botwm ateb isod.
Ychwanegwch ddau Foltmedr i'r gylched i fesur y foltedd a ddefnyddir gan bob LED.
Awgrym: Bydd hyn yn gofyn mwy o gysylltiadau paralel â'r bylbiau LED.
Mae gwerthoedd negyddol yn golygu bod y gwifrau wedi eu gosod yn anghywir.
Bydd gan un LED 3 gwifren wahanol wedi'u cysylltu â phob terfynell - gallai defnyddio gwifrau gwahanol liwiau helpu.
Os ydych chi'n dal yn sownd, defnyddiwch y botwm ateb isod.
Gwybodaeth Newydd:
Rydym bellach wedi creu cylched gyda dau LED mewn cyfres (yr her efydd), a chylched gyda dau LED ochr yn ochr (yr her arian).
Beth fydd yn digwydd yn y naill gylched neu'r llall pe byddai un o'r bylbiau LED wedi torri? A fyddai'r llall yn goleuo? Pam?
Cylched Cyfres gyda bwlb golau wedi torri:
Cylched baralel gyda bwlb golau wedi torri:
Pan fydd cydran yn torri, ni all yr electronau deithio trwyddo. Mae hyn yn golygu ei fod yn torri'r gylched os yw'r holl gydrannau mewn cyfres. Fodd bynnag, mae cydran baralel yn rhoi llwybr gwahanol i'r electronau yn ôl i'r batri.
Cydran Newydd:
Ar gyfer yr ymarfer hwn, byddwn yn defnyddio cydran newydd, switsh sleidio.
Enghraifft o gylched lle mae'r switsh ar agor ac ar gau.
Switsh ar Gau
Switsh ar Agor
Crëwch ffeil gylched newydd ar Tinkercad ar gyfer yr ymarfer hwn.
Crëwch gylched sydd â 3 bwlb LED, pob un yn baralel, wedi'i bweru gan fatri 9V. Yna ychwanegwch switsh sleidio fel bod 1 bwlb LED ymlaen bob amser, tra bod y 2 arall yn cael eu rheoli gan y switsh sleidio.
Awgrym: Bydd angen i chi gynnwys gwrthydd 1kΩ hefyd.
Wrth gysylltu'r switsh sleidio, defnyddiwch un o'r terfynellau (does dim ots pa un) a'r pin cyffredin.
Bydd angen i'r switsh fod ar ôl y bwlb LED cyntaf i reoli dim ond 2 fwlb LED.
Os ydych chi'n dal yn sownd, defnyddiwch y botwm ateb isod.
Gosodwch amlfesurydd i fesur y folteddau ar draws pob un o'r bylbiau LED pan fyddant i gyd wedi eu goleuo.
I fesur y foltedd ar draws cydran, mae angen cysylltu foltmedrau yn baralel â'r gydran.
Dylai'r foltedd ar draws pob LED ddarllen 1.87 Folt.
Nawr, agorwch y switsh a mesurwch y foltedd a ddefnyddir gan yr LED sydd wedi ei oleuo.
Dylai'r foltedd fod yn 1.95 Folt.
Crëwch ffeil gylched newydd ar Tinkercad ar gyfer yr ymarfer hwn.
Symbol Diagram Newydd: Ar gyfer yr ymarfer hwn byddwch yn defnyddio bwlb LED RGB. Mae hwn yn olau LED y gellir ei raglennu i oleuo mewn amrywiaeth o liwiau gwahanol. Mae gan y gydran hon 4 pin cyswllt fel y'u labelir yn y ddelwedd isod.
Cynrychiolir y gydran hon mewn diagramau cylched fel hyn:
Mae'r symbol diagram cylched yn dangos y 4 pin ar wahân, gan labelu tri gyda'r lliw perthnasol, a'r pedwerydd yw'r cathod.
Ail-grëwch y gylched hon yn Tinkercad:
Y cathod yw'r derfynell bositif ar LED RGB.
Dim ond y cathod a'r pin gwyrdd sydd angen eu gwifrio ar gyfer y gylched hon.
Os ydych chi'n dal yn sownd, defnyddiwch y botwm ateb isod.
Newidiwch eich cylched i wneud i'r LED RGB oleuo yn felyn.
Bydd angen i chi ychwanegu un wifren ychwanegol i'r gylched.
Mae golau melyn yn cynnwys golau gwyrdd a choch.
Os ydych chi'n dal yn sownd, defnyddiwch y botwm ateb isod.
Gwers Fideo (yn Saesneg):
Ymarferion:
Mae'r sesiwn hon yn edrych ar greu Micro:Bit 'tŷ gwydr clyfar' gan ddefnyddio popeth rydyn ni wedi'i ddysgu hyd yn hyn.
Dylai pob dysgwr ddechrau gyda'r lefel efydd a gweithio eu ffordd i fyny cyn belled ag y bo modd.
Nid oes gan y bwrdd bara hwn reiliau/resi negatif a phositif. Mae'n un da i'w ddefnyddio fel ehangiad i fwrdd bara mwy.
Byddem yn argymell defnyddio'r bwrdd bara bach ar gyfer yr ymarferion hyn. Os gwelwch nad oes digon o le ar gyfer eich cydrannau, naill ai newidiwch y bwrdd bara neu cysylltwch un arall.
Cysylltu mwy nag un bwrdd bara:
Mae angen i olau LED coch oleuo pan fo'r system yn cael ei rhoi ymlaen. Dangosir y gylched sydd ei hangen yn y diagram isod, ail-grëwch hyn ar fwrdd bara yn Tinkercad.
Wrth ddefnyddio bwrdd bara, y peth cyntaf y dylech ei wneud yw cysylltu'r rheilen negatif i bin GND a chysylltu'r rheilen bositif i bin pŵer.
Cofiwch, mae catod yr LED yn cysylltu i'r pin GND.
Mae'r LED hwn wedi'i gysylltu i'r pŵer ar y Micro:Bit. Mae hyn yn golygu y bydd wedi goleuo bob amser pan fo'r Micro:Bit yn rhedeg, nid oes angen rhaglennu.
Os ydych chi'n dal yn sownd, defnyddiwch y botwm ateb isod.
Er mwyn helpu planhigion i dyfu yn ein 'tŷ gwydr clyfar', mae angen bod golau arnynt trwy'r amser. Ychwanegwch LED gwyn i'ch bwrdd bara fel y dangosir yma:
Awgrym: Nid oes angen i'r cydrannau fod yn yr un drefn chwith i dde ar y bwrdd bara ag y maent yn y diagram - cyn belled â bod gwifrau'r naill a'r llall yn cyfateb.
Mae'r bylbiau LED wedi eu cysylltu i'r pin GND trwy'r amser. Ond mae'r anod naill ai wedi'i gysylltu i bin rhaglenadwy neu i'r pin pŵer.
Gallwch newid lliw LED yn Tinkercad trwy glicio arno ac yna newid y lliw yn y bocs gwybodaeth sy'n ymddangos ar ochr dde uchaf yr ardal waith.
Mae nam yn Tinkercad sy'n golygu bod LEDs yn goleuo'n rhannol pan fyddwch chi'n dechrau'r efelychiad, hyd yn oed os nad ydynt wedi'u rhaglennu i wneud hynny. Gallwch drwsio hyn trwy osod eich pinnau i LOW tu mewn i floc 'on start' y rhaglen.
Os ydych chi'n dal yn sownd, defnyddiwch y botwm ateb isod.
Rydym wedi cysylltu'r LED gwyn i bin rhaglenadwy. Nid ydym am wastraffu trydan trwy adael y golau ymlaen trwy'r amser - dim ond pan fydd yn dywyll y mae ei angen. Felly, rhaglennwch eich Micro:Bit i oleuo'r bwlb pan fydd lefel y golau yn is na 50.
Awgrym: Cofiwch, mae gan y Micro:Bit ei synhwyrydd golau mewnol ei hun.
Bydd arnoch chi angen os-ddatganiad i weld a yw lefel y golau yn is na 50.
I ddiffodd y golau eto pan nad oes ei angen mwyach, bydd angen arall-ddatganiad arnoch.
Yr LED gwyn yw allbwn digidol ymlaen (HIGH) neu ddiffodd (LOW).
Mae angen i'ch datganiadau newydd fod yn y ddolen 'am byth' fel bod y rhaglen yn dal i wirio lefel y golau ac addasu'r bwlb LED a'i oleuo neu ei ddiffodd.
Er mwyn profi yn efelychydd Tinkercad, gallwch newid lefel y golau ar banel rheoli Micro:Bit (y rheolydd llithro sydd â symbol haul arno).
Os ydych chi'n dal yn sownd, defnyddiwch y botwm ateb isod.
Pŵer Ychwanegol: Dim ond 3V o bŵer y gall y Micro:Bit ei ddarparu. Er mwyn parhau i adeiladu ein 'tŷ gwydr clyfar' bydd angen mwy o bŵer arnom. Felly, mae angen i ni ychwanegu cyflenwad pŵer at ein cylched. Dangosir isod sut mae gwneud hyn.
Wrth ddefnyddio cyflenwad pŵer ychwanegol, datgysylltwch bin 3V y Micro:Bit o'r bwrdd bara.
Bydd angen mwy na 3V o bŵer ar ein cylched. Defnyddiwch y diagram cylched isod i ychwanegu cyflenwad pŵer newydd at ein cylched.
Gwnewch yn siŵr eich bod wedi tynnu'r wifren sy'n cysylltu pin 3V y Micro:Bit i reilen bositif y bwrdd bara. Fel arall, byddwch yn dinistrio'r Micro:Bit gan y bydd gormod o bŵer yn ceisio rhedeg drwyddo.
Rhowch sylw i'r foltedd gofynnol yn y diagram cylched a dewiswch y batri/batris priodol.
Os ydych chi'n dal yn sownd, defnyddiwch y botwm ateb isod.
Cysylltu cydrannau oddi ar y bwrdd bara: Gellir mewnosod pob cydran bron yn y bwrdd bara. Fodd bynnag, weithiau mae angen i gydran fod ar wahân. Gallai hyn fod am bod y prif fwrdd bara y tu mewn i focs amddiffynnol a/neu fod angen symud cydran o gwmpas. I gysylltu cydran oddi ar y bwrdd, gweler yr enghreifftiau isod.
LED ar y Bwrdd Bara:
LED oddi ar y Bwrdd Bara:
Servo ar y Bwrdd Bara:
Servo oddi ar y Bwrdd Bara:
Mae angen i'n 'tŷ gwydr clyfar' wybod pa mor llaith yw'r pridd. Mae hyn yn golygu bod angen synhwyrydd lleithder pridd y gellir ei osod mewn pot. Ychwanegwch y gydran newydd oddi ar y bwrdd bara gan ddefnyddio'r diagram cylched isod.
Nid yw'r pinnau ar y synhwyrydd pridd yn yr un drefn yn Tinkercad ag a ddangosir yn y diagram. Gallwch hofran y llygoden dros gysylltiad yn Tinkercad i ddod o hyd iddo.
Mae'r wifren sydd wedi'i chysylltu i bin rheoli'r synhwyrydd yn cysylltu'n uniongyrchol i'r Micro:Bit, nid trwy'r bwrdd bara.
Os ydych chi'n dal yn sownd, defnyddiwch y botwm ateb isod.
Yn eich rhaglen ychwanegwch y blociau angenrheidiol fel bod sgrin y Micro:Bit yn dangos delwedd pan fo'r pridd yn wlyb (yn fwy na neu'n hafal i 75) a delwedd arall i adael i'r defnyddiwr wybod bod y pridd yn rhy sych.
Defnyddiwch ddelweddau y mae'n hawdd deall eu hystyr. Er enghraifft, defnyn dŵr i ddweud bod y pridd yn wlyb, a haul i ddangos ei fod yn sych.
Mae angen defnyddio delwedd syml er mwyn i'r rhaglen ddal i redeg yn effeithlon. Pe baem yn cynnwys animeiddiadau neu negeseuon testun, byddai'n arafu'r rhaglen ac ni fyddai ein 'tŷ gwydr' yn addasu'n ddigon cyflym i amodau gwahanol.
Bydd angen i chi ddefnyddio os-ddatganiad newydd gan ddefnyddio mesuriadau'r synhwyrydd lleithder pridd, gydag arall-ddatganiad i wneud y gwrthwyneb.
Mae angen i'r rhaglen ddarllen mewnbwn analog y synhwyrydd lleithder pridd.
Gallwch brofi'r rhaglen yn yr efelychiad trwy ddewis y synhwyrydd lleithder pridd ac addasu'r bar sleidio er mwyn cynyddu neu leihau'r gwerth.
Os ydych chi'n dal yn sownd, defnyddiwch y botwm ateb isod.
Cysylltwch servo oddi ar y bwrdd bara ac i bin 2 y Micro:Bit.
Awgrym: Yn Tinkercad, dewiswch y Micro Servo glas ar gyfer hyn.
Gallwch ddefnyddio'r delweddau enghreifftiol yn adran y Lefel Arian i helpu gyda'r gwifro.
Yn anffodus, ni all y servo drin 9V. Felly, bydd angen i chi ei gysylltu yn uniongyrchol i bin 3V ar y Micro:Bit. Mae hyn yn golygu mai dim ond terfynell GND y servo fydd yn cysylltu i'r bwrdd bara.
Os ydych chi'n dal yn sownd, defnyddiwch y botwm ateb isod.
Dychmygwch fod y servo hwn yn agor tap i roi dŵr i'n planhigion ac yna ei gau. Dim ond pan fo'r pridd yn sych rydym ni angen i'r tap ryddhau dŵr. Mae troi'r servo i 90° yn agor y tap, mae 0° yn ei gau eto. Ysgrifennwch raglen ar gyfer hyn.
Mae gennym os/arall-ddatganiad yn barod i weld a oes angen rhoi dŵr i'r pridd ai peidio. Dyma lle gallwn ni ychwanegu gorchmynion y servo.
Mae'r servo yn allbwn analog.
Cynhwyswch floc aros ar gyfer symudiadau servo er mwyn rhoi'r amser sydd ei angen i gwblhau'r weithred cyn i'r rhaglen ailddechrau.
Os ydych chi'n dal yn sownd, defnyddiwch y botwm ateb isod.
Llongyfarchiadau! Rydych chi wedi llwyddo i adeiladu a rhaglennu'r gylched ar gyfer tŷ gwydr a reolir gan Micro:Bit.
Cydran Newydd - Bwrdd Torri Allan: Mae gan y Micro:Bit 3 pin y gellir eu rhaglennu. Fodd bynnag, fel y nodir yn ein Cyfres Micro:Bit, mae mwy o le ar gael trwy ddefnyddio rhannau llai y stribed binnau. Er mwyn atodi gwifrau i'r pinnau ychwanegol hyn yn Tinkercad rydym yn defnyddio bwrdd torri allan.
Nawr, mae gennym 10 pin y gellir eu rhaglennu (0, 1, 2, 5, 8, 11, 13, 14, 15, 16) y gellir cysylltu cydrannau iddynt. Mae pinnau eraill a ddangosir mewn llwyd - mae'r rhain eisoes yn cael eu defnyddio gan fylbiau LED, botymau a synwyryddion y Micro:Bit.
Mae'r symbolau +/- ar y Piezo Buzzer yn Tinkercad yn dangos i chi lle maen nhw wedi'u cysylltu (felly mae'r un negatif wedi'i gysylltu i'r pin GND a'r un positif i'r pŵer neu i un o'r pinnau y gellir eu rhaglennu).
Gwifro heb fwrdd bara:
Gwifro gyda bwrdd bara:
Mae hon yn gydran sy'n cynhyrchu sŵn pan fydd yn weithredol. Gellir ei raglennu fel allbwn digidol neu analog. Mae digidol yn caniatáu i chi droi'r sŵn diofyn ymlaen ac i ffwrdd. Mae analog yn caniatáu inni raglennu tôn a hyd y sŵn.
Crëwch gylched newydd yn Tinkercad sy'n cynnwys Micro:Bit gyda bwrdd torri allan, bwrdd bara, 3 LED y gellir eu rhaglennu (coch, melyn a gwyrdd) gyda gwrthydd yr un, cyflenwad pŵer 9V ychwanegol, a Swnyn Piezo gyda gwrthydd.
Allwch chi greu rhaglen ar gyfer y gylched hon sy'n gweithio fel golau traffig, gyda'r swnyn yn gweithio fel larwm i adael i gerddwyr wybod ei bod yn ddiogel croesi'r ffordd.
Gwnewch lun diagram cylched o'ch system goleuadau traffig i eraill ei ddefnyddio.
Gwers Fideo (yn Saesneg):
Ymarferion:
Mae'r sesiwn hon yn edrych ar greu cylchedau yn Tinkercad gydag Arduino Uno.
Dylai pob dysgwr ddechrau gyda'r lefel efydd a gweithio eu ffordd i fyny cyn belled ag y gallant.
Cliciwch ar bennawd pob her i'w ehangu.
Crëwch gylched gydag Arduino Uno R3, bwrdd bara, gwrthydd, ac LED. Gwifrwch y gylched fel bod y bwlb LED wedi'i oleuo trwy'r amser (does dim angen rhaglennu).
Awgrym: Defnyddiwch y cysylltiad 5 Folt ar yr Arduino ar gyfer y gylched hon.
Cysylltwch res negatif y bwrdd bara i un o'r pinnau GND ar yr Arduino.
Dylai'r rhes bositif ar y bwrdd bara gael ei chysylltu i bin 5V yr Arduino.
Rydym wedi creu diagram cylched i helpu:
Os nad yw'r LED yn goleuo, gwnewch yn siŵr bod y catod wedi'i gysylltu i'r negatif a'r anod i'r positif.
Os ydych chi'n dal yn sownd, defnyddiwch y botwm ateb isod.
Cysylltwch LED arall gyda gwrthydd i bin 2.
Awgrym: Ni fydd hyn yn goleuo yn yr efelychydd gan nad oes rhaglen eto.
Bydd yr LED hwn wedi'i gysylltu i'r GND (y derfynell negatif) a Phin 2.
Rydym wedi creu diagram cylched i helpu:
Os ydych chi'n dal yn sownd, cliciwch ar y botwm ateb isod.
Rhaglennwch yr Arduino (gan ddefnyddio blociau) fel bod yr LED ar bin 2 yn fflachio ymlaen ac i ffwrdd gan ddefnyddio amser aros o 500ms rhwng newidiadau.
Awgrym: Cofiwch gynnwys amser aros ar ôl rhoi'r golau ymlaen ac i ffwrdd.
Allbwn yw'r LED, a bloc rheoli yw'r amser aros.
Gellir newid y bloc aros i filieiliadau.
Os ydych chi'n dal yn sownd, defnyddiwch y botwm ateb isod.
Cyn i chi ddechrau ar yr her hon, dilëwch unrhyw god o'ch dolen 'am byth' yn barod i greu rhaglen newydd.
Ychwanegwch ddau LED arall (gyda gwrthyddion) i'ch cylched. Dylai un gysylltu i bin 4, y llall i bin 7 ar yr Arduino.
Rydym wedi cynhyrchu diagram cylched i'ch helpu:
Os ydych chi'n dal yn sownd, defnyddiwch y botwm ateb isod.
Yn eich rhaglen, crëwch newidyn o'r enw myNumber ac yn y ddolen 'am byth' gosodwch y newidyn hwn i rif ar hap rhwng 0 a 3. Dangoswch y gwerth hwn ar y monitor cyfresol.
Awgrym: Gellir agor y monitor cyfresol trwy glicio ar far y monitor cyfresol ar waelod yr adran codio.
Os yw'r rhifau'n cael eu cynhyrchu'n rhy gyflym, ychwanegwch floc aros i'r ddolen 'am byth'.
Rydym yn defnyddio'r monitor cyfresol i weld darlleniadau, gwybodaeth, ac i ddadfygio ein rhaglenni.
Nawr crëwch raglen fydd yn goleuo'r un nifer o oleuadau â gwerth myNumber.
Awgrym: Nid yw blociau Tinkercad yn cynnwys 'arall os' ddatganiadau 'arall os'. Yn lle hynny, gallwch ddefnyddio os-ddatganiadau wedi'u pentyrru y tu mewn i arall-ddatganiadau.
Dyma enghraifft o sut y gallwch chi bentyrru'r arall- ac os-ddatganiadau i ail-greu'r un effaith â defnyddio 'arall os' ddatganiad.
Peidiwch ag anghofio diffodd y goleuadau pan nad oes eu hangen.
Bydd angen i chi roi arhosiad ar ddiwedd y ddolen 'am byth' i sicrhau bod y goleuadau'n cael amser i droi'r LEDs ymlaen neu eu diffodd.
Os ydych chi'n dal yn sownd, defnyddiwch y botwm ateb isod.
Crëwch gylched newydd ar gyfer yr her hon.
Crëwch y gylched hon ar fwrdd bara yn Tinkercad:
Yn yr achos hwn, mae'r LDR wedi'i gysylltu i bŵer trwy'r amser tra bod pin A0 yn gadael inni gasglu data gan yr elfen.
Dyma enghraifft o sut y gallech chi gysylltu'r LDR gyda'r Arduino:
Os ydych chi'n dal yn sownd, defnyddiwch y botwm ateb isod.
Yn y rhaglen, crëwch newidyn a'i osod i ddarlleniad analog yr LDR/Gwrthydd golau ddibynnol. Sicrhewch fod y gwerthoedd hyn wedi'u hargraffu yn y monitor cyfresol. Defnyddiwch hwn i bennu amrediad llawn y gwerthoedd y gall yr LDR eu cynhyrchu.
Awgrym: Gallwch newid lefel y golau trwy glicio ar yr LDR/gwrthydd golau ddibynnol yn ystod yr efelychiad a defnyddio'r bar llithro sy'n ymddangos.
Dewiswch enw addas i'r newidyn, fel ldrValue.
Cofiwch, gallwch agor y monitor cyfresol trwy glicio ar y bar ar waelod y ffenestr codio.
Os ydych chi'n dal yn sownd, defnyddiwch y botwm ateb isod.
Amrediad y gwerthoedd ar gyfer yr LDR/gwrthydd golau ddibynnol yw 6 i 679.
Ychwanegwch fwlb LED i'r gylched a'i gysylltu i bin 2. Rhaglennwch yr LED i oleuo pan fydd y darlleniad LDR yn is na chanol ei amrediad.
Awgrym: Cofiwch ddiffodd yr LED pan fydd y gwerth LDR yn cynyddu'n uwch na gwerth canol yr amrediad.
Defnyddiwch os- ac arall-ddatganiad ar gyfer yr LED i sicrhau ei fod yn diffodd pan nad yw'r cyflwr yn wir mwyach.
Gellir cyfrifo'r gwerth canol gan ddefnyddio (679 - 6) ÷ 2.
Os ydych chi'n dal yn sownd, defnyddiwch y botwm ateb isod.
Crëwch gylched newydd, gan ddefnyddio bwrdd bara, sy'n cymryd darlleniadau o synhwyrydd tymheredd.
Ychwanegwch LED glas, coch, a gwyn rhaglenadwy i'r gylched.
Ysgrifennwch raglen ar gyfer eich cylched sy'n peri i'r golau glas ddod ymlaen pan fydd y tymheredd yn is na 0°C, y golau gwyn pan fydd y tymheredd rhwng 0 a 35°C, a'r golau coch pan fydd y tymheredd yn 35°C neu'n uwch.
Gwers Fideo (yn Saesneg):
Ymarferion:
Mae'r sesiwn hon yn edrych ar greu cylchedau yn Tinkercad gydag Arduino Uno.
Dylai pob dysgwr ddechrau gyda'r lefel efydd a gweithio eu ffordd i fyny cyn belled ag y gallant.
Cliciwch ar bennawd pob her i'w ehangu.
Cysylltwch botensiomedr i Arduino (gan ddefnyddio bwrdd bara), yna ysgrifennwch raglen i argraffu gwerthoedd y potensiomedr i'r monitor cyfresol a sefydlu ei amrediad.
Awgrym: Mae gan y potensiomedr dri phin. Mae Terfynell 1 yn mynd i'r GND, mae'r Contact Symudol yn mynd i bin mewnbwn analog, ac mae terfynell 2 yn mynd i bin 5V ar yr Arduino.
Pan fo cylched angen bwrdd, y peth cyntaf y dylech ei wneud yw cysylltu'r bwrdd bara i'r terfynellau pŵer (yn yr achos hwn, pinnau 5V a GND ar yr Arduino).
Bydd angen i chi greu newidyn i storio gwerth y potensiomedr. Yna gallwch wneud i'r rhaglen argraffu gwerth y newidyn hwn i'r monitor cyfresol.
Os nad ydych yn siŵr sut i ddefnyddio'r monitor cyfresol, ewch i gael golwg ar yr ymarferion lefel arian yn Sesiwn Pedwar.
Os yw'r deial ar y potensiomedr yn pwyntio at sero (yr holl ffordd o gwmpas i'r chwith), ond bod y gwerth yn y monitor cyfresol yn 1023, mae'r terfynellau wedi'u gwifro'n anghywir.
I brofi'r rhaglen, gallwch ddewis potensiomedr, ar ôl dechrau'r efelychiad, ac yna clicio a llusgo'r deial i fyny a/neu i lawr. Dylai'r gwerth yn y monitor cyfresol newid wrth i chi wneud hyn.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Efallai eich bod wedi defnyddio pin mewnbwn analog gwahanol ar yr Arduino - gwnewch yn siŵr bod y pinnau a ddefnyddir yn y cod yn cyd-fynd â'ch gwifrau.
Ychwanegwch LED Coch Gwyrdd Glas (CGG) i'r gylched. Cysylltwch y pin coch i bin allbwn analog (y rhai sydd wedi'u marcio â '~' o flaen y rhif). Yn y rhaglen, mapiwch fewnbwn y potensiomedr i bin coch yr LED CGG. Po uchaf yw'r mewnbwn, y mwyaf disglair fydd y golau coch.
Awgrym: Bydd angen i chi ychwanegu gwrthydd rhwng catod yr LED CGG a'r cysylltiad GND i'w atal rhag ffrwydro.
Mae angen cysylltu catod y bwlb LED CGG i'r pin GND.
Mae angen cysylltu pin coch yr LED CGG i bin allbwn analog (3, 5, 6, 9, 10, neu 11) ar yr Arduino.
Bydd angen i chi greu newidyn ar gyfer y pin coch i storio'r gwerth mapio.
Rydych chi'n mapio newidyn y potensiomedr (a grëwyd yn y cam blaenorol) i amrediad yr LED o 0 i 255.
Wrth brofi, dylai'r LED CGG fod wedi'i ddiffodd pan fydd gwerth y potensiomedr yn 0, ac yna dylai'r disgleirdeb gynyddu wrth i'r deial gael ei droi i fyny.
Os yw'r LED yn dangos ffrwydrad pan fo'r deial yn cael ei droi i fyny, un ai mae'r gwrthydd ar goll neu mae'r gylched wedi'i gosod yn anghywir.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Ychwanegwch ail botensiomedr a mapiwch ei werthoedd i bin gwyrdd yr LED CGG .
Awgrym: Efallai y bydd angen i chi symud y cydrannau o gwmpas i wneud lle ar y bwrdd bara. Neu mae croeso i chi ddefnyddio'r bwrdd bara mwy sydd ar y rhestr o gydrannau.
Bydd angen i chi greu newidyn newydd ar gyfer yr ail botensiomedr ac ar gyfer gwerth y pin gwyrdd ar yr LED CGG.
Gallwch ddefnyddio'r monitor cyfresol i brofi'r gwifrau.
Cofiwch, i fapio gwerth analog i LED mae angen ei gysylltu i un o'r pinnau wedi'u rhifo sydd wedi eu marcio â '~'.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Yn olaf, ychwanegwch drydydd potensiomedr wedi'i fapio i bin glas yr LED CGG.
Ailadroddwch yr un broses ag a ddilynwyd ar gyfer yr ail botensiomedr.
Cofiwch ddefnyddio enwau gwahanol ar gyfer y newidynnau eto.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Nawr mae gennych gylched sy'n gadael i chi greu golau o unrhyw liw trwy addasu deialau'r potensiomedr.
Crëwch gylched newydd ar gyfer yr her hon.
Cysylltwch fotwm pwyso i Arduino gan ddefnyddio bwrdd bara. Gwnewch i'r monitor cyfresol ddangos a yw'r botwm wedi ei wasgu ai peidio.
Awgrym: Mae botwm naill ai ymlaen (HIGH) neu wedi ei ddiffodd (LOW) sy'n golygu mai mewnbwn digidol yw hwn.
Gallwch gysylltu rhesi negatif a phositif isaf y bwrdd bara â'r rhesi uchaf cyfatebol - mae hyn yn rhoi mwy o bwyntiau cyswllt i ni i'r pŵer a'r ddaear.
Bydd angen i chi gynnwys gwrthydd ar gyfer y gydran hon
Ar gyfer y rhaglen, bydd angen i chi ddefnyddio datganiad os/arall er mwyn anfon negeseuon i'r monitor cyfresol.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Ychwanegwch swnyn Piezo i'r gylched a'i raglennu i wneud sŵn pan fydd y botwm yn cael ei wasgu.
Awgrym: Mae terfynellau'r swnyn yn cael eu labelu yn unol â'r terfynellau y maent yn cael eu cysylltu iddynt. Felly, mae'r negatif yn cysylltu i'r GND, tra bod angen i'r positif gysylltu i bin rhaglenadwy.
Mae'r swnyn Piezo yn allbwn analog gan fod modd inni osod y dôn y mae'n ei defnyddio. Mae hyn yn golygu bod angen ei gysylltu i un o'r pinnau allbwn analog.
Defnyddiwch flociau allbwn y seinydd ar gyfer y swnyn- mae'r rhain yn ei gwneud yn bosib inni osod y dôn a chwaraeir.
Peidiwch ag anghofio bod angen i'r swnyn stopio os nad yw'r botwm yn cael ei bwyso.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Nawr ychwanegwch ddau fotwm arall a'u rhaglennu i chwarae tonau gwahanol gyda'r swnyn.
Amrediad gwerthoedd tonau'r Piezo yw 27 - 3950. Po fwyaf yw'r gwerth, yr uchaf yw'r dôn.
Os ydych chi'n gosod amseroedd byr (fel 0.2 eiliad) ar gyfer y tonau, nid oes angen arall-ddatganiad arnoch i ddiffodd y Piezo. Gallwch hefyd gael gwared â'r monitor cyfresol gan nad oes ei angen erbyn hyn.
Os ydych chi'n dal yn sownd, defnyddiwch y botwm ateb isod.
Y Gylched:
Y Rhaglen:
Nawr gallwch greu offeryn cerdd electronig.
Crëwch gylched newydd ar gyfer yr her hon.
Crëwch y gylched hon gyda bwrdd bara, gan ddefnyddio botwm pwyso fel y switsh:
Mae'r botwm yn y diagram hwn wedi'i wifrio yr un fath â'r un yn yr heriau lefel arian.
Os ydych chi'n dal yn sownd, defnyddiwch y botwm ateb isod.
Ysgrifennwch raglen lle mae pwyso'r botwm yn cynhyrchu rhif gwahanol ar hap rhwng 0 a 255 ar gyfer pob un o binnau lliw'r LED CGG.
Mae bloc rhif ar hap yn y ddewislen fathemateg.
Os ydych chi'n cael problemau a bod y rhaglen angen ei dadfygio, cyflwynwch newidynnau ar gyfer pob gwerth pin lliw a ph'un ai yw'r botwm yn cael ei bwyso a defnyddiwch y monitor cyfresol
Os ydych chi'n dal yn sownd, defnyddiwch y botwm ateb isod.
Dyma rai syniadau, sy'n defnyddio'r hyn rydym ni wedi'i ddysgu yn y sesiwn hon, i greu cylchedau newydd:
Cloch drws sy'n chwarae alaw pan fydd y botwm yn cael ei bwyso.
Swnyn a reolir gan botensiomedr fel bod y cywair yn newid wrth i chi addasu'r deial.
System larwm sy'n seinio os nad yw botymau'n cael eu pwyso yn y drefn gywir.
Gwers Fideo (yn Saesneg):
Ymarferion
Mae'r heriau hyn yn cynnwys creu cylchedau i adolygu'r holl gydrannau rydym ni wedi'u cynnwys yn fideos y pwnc hwn.
Dylai pob dysgwr ddechrau gyda'r lefel efydd a gweithio eu ffordd i fyny cyn belled ag y gallant.
Cliciwch ar bennawd pob her i'w ehangu.
Defnyddiwch y diagram cylched hwn i gysylltu synhwyrydd uwchsain ag Arduino yn Tinkercad. Peidiwch ag anghofio cynnwys bwrdd bara.
Awgrym: Mae'r pin sbardun ar y synhwyrydd uwchsain yn ddigidol, a'r pin eco yn analog.
Mae'r diagram cylched yn cyfateb i'r gwifrau a ddangosir yn fideo'r sesiwn hon.
Ar gyfer yr ymarfer hwn, gallwch osod y synhwyrydd uwchsain yn y bwrdd bara.
Os ydych chi'n dal yn sownd, defnyddiwch y botwm ateb isod.
Gwnewch i ddarlleniadau'r synhwyrydd uwchsain argraffu i'r monitor cyfresol.
Awgrym: Gallwch addasu'r darlleniad trwy ddewis y synhwyrydd tra bo'r efelychiad yn weithredol ac yna symud y cylch o gwmpas o fewn yr ardal a amlygir.
Mae'n arfer da creu a defnyddio newidynnau ar gyfer gwerthoedd synhwyrydd.
Os mai dim ond y rhif 0 a argraffir gan y monitor cyfresol, mae angen ailedrych ar eich gwifrau cyn dim arall, ac yna gwneud yn siŵr bod rhifau'r pinnau yn cyfateb yn y cod.
Os ydych chi'n dal yn sownd, defnyddiwch y botwm ateb isod.
Ychwanegwch fotwm gwthio ac LED i'r bwrdd bara a'u cysylltu i'r Arduino.
Awgrym: Mae'r LED yn cael ei ddefnyddio fel allbwn digidol ar gyfer yr ymarfer hwn.
Bydd angen i chi hefyd ychwanegu gwrthydd at bob un o'r cydrannau hyn.
Dyma enghraifft o sut i wifro'r botwm gwthio:
Gan fod eich synhwyrydd uwchsain eisoes yn defnyddio pin 4 yr Arduino, bydd angen i chi ddewis pin digidol gwahanol ar gyfer eich botwm gwthio.
Wrth wifro botwm gwthio, gwnewch yn siŵr eich bod yn cysylltu rheiliau uchaf y bwrdd bara i'r gwaelod.
Mae angen cysylltu'r LED i bin rhaglenadwy a'r pin GND.
Os ydych chi'n dal yn sownd, defnyddiwch y botwm ateb isod.
Crëwch newidyn i storio a ddylai'r LED fod ymlaen neu i ffwrdd. Ysgrifennwch raglen fydd yn peri i bwyso'r botwm wirio a yw'r golau ymlaen neu i ffwrdd ac yna ei newid. Mae hyn yn golygu, pan fyddwch chi'n pwyso'r botwm y bydd yn troi'r golau ymlaen, bydd ei bwyso eto wedyn yn ei ddiffodd, yna ymlaen, yna diffodd, ac yn y blaen.
Awgrym: Bydd angen i chi newid eich newidyn newydd bob tro y pwysir y botwm. Gan fod hwn yn fewnbwn digidol, y gwerthoedd a ddefnyddir yw HIGH (ymlaen) a LOW (diffodd).
Yn dilyn arfer da, crëwch newidyn i storio gwerth mewnbwn y botwm.
Defnyddiwch os-ddatganiad i wirio a yw'r botwm wedi ei bwyso.
Y tu mewn i'r os-ddatganiad bydd angen os-/arall-ddatganiad arnoch i wirio statws yr LED (a yw'r bwlb wedi ei oleuo ai peidio).
Os yw'r golau wedi ei ddiffodd, rhowch ef i fynd a newidiwch newidyn y golau i ymlaen. Arall- diffoddwch y bwlb a newidiwch newidyn y golau i gyd-fynd â hyn.
Dylech gynnwys seibiau byr (0.5 eiliad) ar gyfer y naill gyflwr neu'r llall i atal cofrestru gwasgiad botwm fwy nag unwaith.
Os ydych chi'n dal yn sownd, defnyddiwch y botwm ateb isod.
Nawr, gwnewch i'r monitor cyfresol argraffu darlleniadau'r synhwyrydd uwchsain pan fo'r bwlb LED wedi ei oleuo yn unig.
Awgrym: Mae hyn yn creu rhaglen lle mae'r LED yn gweithredu fel dangosydd pŵer ar gyfer y synhwyrydd uwchsain.
Mae hyn yn golygu symud y gorchymyn argraffu i'r monitor cyfresol i os-ddatganiad newydd sy'n gwirio a yw'r switsh ymlaen.
Os ydych chi'n dal yn sownd, defnyddiwch y botwm ateb isod.
Cysylltwch ail LED i'ch bwrdd bara ac Arduino. Rhaglennwch yr LED newydd hwn i oleuo pan fo'r synhwyrydd uwchsain yn 'weithredol' (mae'r LED cyntaf ymlaen) ac yn canfod gwrthrych llai na 100cm i ffwrdd.
Awgrym: Mae pentyrru os-ddatganiadau o fewn ei gilydd, yn gweithio yr un fath â gweithredydd 'ac' Boole.
Mae angen cysylltu'r LED i bin allbwn digidol.
Peidiwch â rhoi eich os-ddatganiad newydd y tu mewn i'r un sy'n gwirio a yw'r botwm yn cael ei bwyso ai peidio, neu dim ond mesur fydd yn digwydd.
Bydd angen datganiad 'arall' arnoch hefyd i ddiffodd yr LED newydd hwn eto pan fydd y gwrthrych yn symud i ffwrdd.
Os ydych chi'n dal yn sownd, defnyddiwch y botwm ateb isod.
Y Gylched:
Y Cod:
Crëwch gylched Tinkercad newydd gan ddefnyddio bwrdd bara sy'n cynnwys Arduino, chwe bwlb LED gyda gwrthyddion, a synhwyrydd uwchsain.
Awgrym: Mae'r bylbiau LED yn allbynnau digidol ar gyfer yr her hon.
Gyda chymaint o gydrannau yn y gylched hon, ystyriwch ddefnyddio cod lliw ar gyfer eich gwifrau. Du ar gyfer GND, Coch ar gyfer 5V, ac yna lliwiau gwahanol ar gyfer yr un rhaglenadwy.
Os ydych chi eisiau mwy o le rhwng y cydrannau, gallech gysylltu amryw fyrddau bara, neu ddefnyddio un bwrdd bara mwy.
Cofiwch fod pin eco'r synhwyrydd uwchsain yn analog felly mae angen ei gysylltu â phin rhaglenadwy gyda symbol '~' wrth ymyl y rhif.
Os ydych chi'n dal yn sownd, defnyddiwch y botwm ateb isod.
Nawr, rhaglennwch y gylched hon fel bod mwy o oleuadau'n goleuo po agosaf yw gwrthrych i'r synhwyrydd uwchsain. Defnyddiwch amrediadau 50cm i bennu nifer y goleuadau. Felly, os yw'r gwrthrych 0-50cm i ffwrdd mae pob un o'r bylbiau LED yn goleuo, mae 50-100cm yn golygu bod 5 LED wedi goleuo, ac ati. Os yw gwrthrych y tu allan i'r amrediad uchaf neu'r ardal canfod, dylai'r bylbiau LED i gyd fod wedi eu diffodd.
Awgrym: Pentyrrwch os-ddatganiadau i mewn i arall-ddatganiad i greu 'arall os'-ddatganiad.
Gan ein bod yn defnyddio mewnbwn, crëwch newidyn i storio gwerth y synhwyrydd uwchsain ynddo.
Gallech ddefnyddio llawer o os-ddatganiadau ar wahân gyda gweithredyddion 'ac' Boole i greu datrysiad. Fodd bynnag, mae'n arfer da defnyddio opsiynau arall-os pan fo modd i helpu rhaglen i ymateb yn fwy effeithlon i newidiadau mewnbwn.
Byddwch yn ofalus lle rydych chi'n pentyrru os-ddatganiad. Os ydych chi'n rhoi un y tu mewn i arall-ddatganiad, rydych chi'n creu datganiad arall-os. Fel arall, os ydych chi'n ei roi y tu mewn i os-ddatganiad rydych chi'n creu'r un peth â swyddogaeth 'ac' Boole.
Peidiwch ag anghofio diffodd y goleuadau pan nad oes eu hangen.
Os oes angen i chi brofi/dadfygio'ch rhaglen, gallai fod yn ddefnyddiol argraffu'r gwerthoedd uwchsain i'r monitor cyfresol.
Os ydych chi'n dal yn sownd, defnyddiwch y botwm ateb isod.
Crëwch gylched newydd gan ddefnyddio bwrdd bara yn Tinkercad gydag Arduino, potensiomedr, LDR (gwrthydd golau ddibynnol), synhwyrydd uwchsain (4 pin), ac LED CGG.
Awgrym: Byddwn yn defnyddio'r holl binnau lliw ar yr LED CGG fel allbynnau analog.
Mae croeso i chi ail-ymweld â sesiynau blaenorol i gael golwg ar sut maen nhw i gyd wedi'u cysylltu â'r Arduino.
Os ydych chi'n dal yn sownd, defnyddiwch y botwm ateb isod.
Mapiwch fewnbwn y potensiomedr i bin coch yr LED CGG, yr LDR i'r pin gwyrdd, a'r synhwyrydd uwchsain i'r pin glas.
Awgrym: Gallwch ddefnyddio'r monitor cyfresol i gael yr amrediadau ar gyfer y cydrannau hyn.
Gan mai mewnbynnau sy'n cael eu mesur, crëwch newidyn ar gyfer pob un o'r cydrannau rydym ni'n eu darllen
Yn y rhaglen flociau, mae amrediad diofyn o 0-1023 wedi'i osod ar gyfer dyfais mewnbwn. Mae'n bosib na fydd hyn yn cyd-fynd â'r holl gydrannau. Mae hyn yn golygu y bydd angen i chi newid yr amrediad trwy fynd i opsiwn 'blocks + text' ar dop y panel codio a gwneud y newidiadau angenrheidiol i'r testun - cafodd hyn ei gynnwys yn fideo Sesiwn Pump.
Os ydych chi'n dal yn sownd, defnyddiwch y botwm ateb isod.
Cod bloc:
Cod testun gyda'r newidiadau wedi eu hamlygu:
Crëwch gylched Arduino gyda synhwyrydd uwchsain a swnyn Peizo. Mapiwch werth y synhwyrydd (gweler Wikipedia).
