Wythnos Roboteg Aber 2023

Mae Grŵp Roboteg Ddeallus Prifysgol Aberystwyth yn cynnal ei Wythnos Roboteg Aber flynyddol rhwng y 17^fed a'r 23^ain o Fehefin 2023 yn rhan o Ŵyl Roboteg y Deyrnas Unedig.

LabTraeth: Ddydd Sadwrn, y 17^fed o Fehefin

Llun o bawb a oedd yn gysylltiedig â Labordy'r Traeth 2019 y tu allan i'r Bandstand yn Aberystwyth. Baner yn rhoi cyhoeddusrwydd i Labordy'r Traeth ar y 17fed o Fehefin 2023 yn y Bandstand yn Aberystwyth.

Rydyn ni'n dychwelyd i'n lleoliad glan môr yn Bandstand Aberystwyth.

Yn rhan o'r digwyddiad hwn, mae robotiaid yn cael eu dangos o wahanol feysydd. Yn eu plith mae ymchwil, allgymorth, hobïau myfyrwyr a staff, ac addysgwyr.

Bydd gennym bobl wadd o gwmnïau a grwpiau lleol a fydd hefyd yn arddangos.

Arddangoswyr blaenorol:

Dr Patricia Shaw gyda Miro, anifail anwes robotig

Dr Fred Labrosse gyda cherbyd annibynnol sy'n mynd ar bob math o dir.

R2D2 â'i bartner Steampunk. Crëwyd gan Stephen Fearn

Tally Roberts gydag amrywiaeth o robotiaid addysgol

Un arall o gerbydau annibynnol Dr Fred Labrosse sy'n mynd ar bob math o dir

Sivert Hellvik Havsø gyda Cranc, robot arolygu'r arfordir

Tynnwyd y lluniau i gyd gan Suzanne Fearn, a hi sydd wedi darparu'r lluniau hefyd (2021)

Gweithgareddau Wythnos Roboteg

Dydd Mercher 21ain Mehefin 4yp - 6yp Robot Lab Live

Arddangosfa Roboteg Rithwir, yn cael ei ffrydio'n fyw ar sianel YouTube Rhwydwaith UK-RAS. Cyfle i weld y tu mewn i wyth o labordai roboteg gorau'r DU, ac eleni mae'n cynnwys Roboteg Faes Aberystwyth.

Gwyliwch y rhaghysbysebion nawr: